අඳුර කොතරම් ගලා හැලුනද – මාවතක් ඇත ප්‍රදීපය වෙත…

Bruce Springsteen විසින් ගායනා කරන අතිශයින් ජනප්‍රිය ගීතයක් වන Waiting on a Sunny Day ගීතයේ ඡායා අනුවාදයකි. සෑම අතිකින්ම අඳුර ගලා එන බලාපොරොත්තු රහිත මේ හෝරාව තරණය කර ආලෝකය වෙනුවෙන් බලාපොරොත්තු දල්වන මෙම ගීතය අද මේ මොහොත වෙනුවෙන් වඩාත් ගැළපේ යයි සිතූ බැවින් මෙසේ පළ කරමි….

BRUCE SPRINGSTEEN

මහේෂ් හපුගොඩ විසිනි

වැහිබරෙන් යුතු වලාකුළු පොද
නැතද අහසේ බැලූ බැල්මට
එහෙත් වැහිබිඳු වැටි ඇති සැටි
මටත් රහසින් මගේ උරමත

කඳුළු කැට ලෙස ගලා බසිනා
නුඹේ සොම්නස් දෙනෙත් තරු එළි
සුළඟ සමගින් ඔහේ මුසුවුණ
මඟක් සොයමින් ඔහේ ඇවිදින
ග්‍රීස්මය වෙත පාර පෙන්වන
කිරණයක් විය සමහරක් විට…

හිරු රැසෙන් මහ පොළොව නැහැවුන
ප්‍රභාවත් වූ දිනක් අබියස
වළා කෝඩය තල්ලු කරමින්
ඇස් රුවාගෙන නිරතුරුව මම

වැස්ස පතිතන තිමිරකඩ යට 
තෙතින් බරිතව වෙහෙස වෙමි මම
අන්ධකාරය තල්ලු කරනට
ඔබේ වාරුව ඕනෑමයි මට 

ගීතයක් ඇත රිද්මයක් නැත
පාළු මාවත සහමුලින් ගෙන
තනිව සරණා මගේ තනියට
සුනඛයෙක් ඇත සෙවණැල්ල යට

නොදැනුනත් මේ ගෙවෙන කාලය
ඔබව එනතුරු මඟ බලාගෙන
ලුහුබඳිමි අර අඳුරු තිමිරය
පතිත කරනට සැඩ දිවාකර

අඳුර කොතරම් ගලා හැලුන ද
මාවතක් ඇත ප්‍රදීපය වෙත
තවත් දවසක් ගෙවී යන තැන
අන්ධකාරය තුරන් වනු ඇත

පළායන ඒ අඳුර අතරින්
උදෑසන ඔබ සිනාසෙනු ඇත
ඒ සිනාවේ උදා කිරණින්
මගේ ජීවය පහන් වනු ඇත….

මුල් ගීතය සඳහා පහත ලින්කුව පාවිච්චි කරන්න:
https://www.youtube.com/watch?v=iE1HrWcC__U

 165 total views,  4 views today

Leave a Reply

Your email address will not be published. Required fields are marked *