කියුබාවට එරෙහි අධිරාජ්‍යවාදී මැදිහත්වීම් හෙළා දකිමු!

සමාජවාදී, ප්‍රජාතන්ත්‍රවාදී කියුබාවක් සඳහා “හතරවන ජාත්‍යන්තරයේ” ප්‍රකාශනය

ට්‍රම්ප් පාලනය විසින් කියුබාව ත්‍රස්තවාදී රටවල් ලැයිස්තුවට ඇතුළත් කිරීම තුළින් එක්සත් ජනපදයේ සිට කියුබාවට එවන ප්‍රේෂණ කපා හැරීම, කොවිඩ් වසංගතය සහ සංචාරක ව්‍යාපාරයෙන් ලැබෙන ආදායම අහිමිවීම, වැනි කියුබාව මුහුණ දී ඇති දැවැන්ත අර්බුදය  හමුවේ වත්මන් කියුබානු රජයට විරුද්ධව ගොඩනැගුණු දැවැන්ත විරෝධතාවයන් රැසක් ජූලි 11වෙනි දින අපි දුටුවෙමු.

මෙම විරෝධතා සිදුවන්නේ කිසිදු ජාත්‍යන්තර ආධාරයකින් තොරව, රටවැසියන් පරිභෝජනය කරන දෙයින් විශාල ප්‍රමාණයක් ආනයනය කරමින් තිබෙන දූපතක ය. කියුබාවට එරෙහිව එල්ල කෙරෙන මෙම අවහිරතාවයන් නිසා කියුබානුවන් සඳහා අවශ්‍ය කොවිඩ් -19 එන්නත් නිෂ්පාදනයට ද බාධාවක් වී තිබේ.

පසුගිය වසර තිහ තුළ කියුබාවේ සමාජ විෂමතාවයන් විශාල වශයෙන් ඉහළ ගොස් ඇත. රජය විදේශ ආයෝජන ආකර්ෂණයකර ගැනීම සඳහා සංචාරක ව්‍යාපාරය දියුණුකර ඇති අතර වැටුප් ශ්‍රමය භාවිතා කරන පෞද්ගලික ආයෝජන වැඩි කිරීමට පහසුකම් සලසා ඇත. භාණ්ඩ හිඟයක් පවතින අවස්ථාවක, එක්සත් ජනපද ඩොලර් අසමාන ලෙස ප්‍රවේශ වීම නිසා අසමානතාවයන් තවදුරටත් වැඩි වී තිබේ.

චීනය, වියට්නාමය සහ නැඟෙනහිර යුරෝපයේ රටවල් වැනි ධනවාදය වැළඳගත් රටවලට වඩා බෙහෙවින් අඩු වර්ධන මට්ටමක පවතී. දේශීය ධනේශ්වර අංශය වර්ධනය වෙමින් තිබුණ ද ඉහත සඳහන් කළ රටවල් මෙන් කම්කරුවන්ගේ  වැටුප් ශ්‍රමය සූරාකෑමට සමත් විශාල දේශීය ධනපති පංතියක් කියුබාවේ වර්ධනය වී නැත.

2019 ආණ්ඩුක්‍රම ව්‍යවස්ථා සංශෝධනයෙන් ද ධනේශ්වර අංශයේ නිදහස් සංවර්ධනයට ඇති නීතිමය බාධාවන් සහ විශේෂයෙන් දේශීය ධනපතියන්ට බඳවා ගත හැකි වැටුප් උපයන්නන් සංඛ්‍යාව සීමා කිරීමට පියවර ගෙන නැත.

ජනතා විරෝධයට තුඩුදී තිබෙන, වැඩිවන අසමානතාවයට අමතරව, සම්බාධක සහ ජනගහනයේ අවශ්‍යතා සපුරාලීම සඳහා වූ දේශීය නිෂ්පාදනය වැඩි කිරීම ද අඩාලවී තිබේ. LGBTQI+ ප්‍රජාවන්ගේ අයිතිවාසිකම් පූර්‍ණ ලෙස පිළිගැනීම සීමා කරන ලෙස රජයට බලපෑම් කරමින් සිටින ‘එවැන්ජලිස්ත’ ආගමික නිකායන්ගේ ක්‍රියාකාරකම් ද වර්ධනය වෙමින් තිබේ.

1960 සහ 70 දශකවල විප්ලවවාදී ක්‍රියාවලියට සෘජුවම සහභාගී වූ පෙර පරම්පරාවේ පිරිස් අභාවයට යමින් සිටින අතර විප්ලවයේ උරුමය පිළිබඳව කිසිසේත් නොසිතන, ගෝලීය සමාජ ජාල සමඟ සමීප සම්බන්ධකම් ඇති නව පරපුරේ කලාකරුවන් බිහිවෙමින් තිබීම ද සැළකිල්ලට ගත යුතුය.

නව පරම්පරාවන් නැවත සම්බන්ධ කර ගත හැකි ප්‍රජාතන්ත්‍රවාදී තීරණ ගැනීමේ ක්‍රියාවලියක් විවෘත කිරීම පමා වෙමින් තිබේ. භාණ්ඩ හිඟය හා විශාල ජනතා ප්‍රතිරෝධී තත්වයන් පුපුරායාම වැළැක්වීම සඳහාත්, කෙටිකාලීන බලපෑම් අවම කිරීම සඳහාත් උපාමාරු දැමීමට රජයට ඇති ඉඩකඩ ඉතා අඩු මට්ටමක පවතී. (ව්‍යවස්ථා සංශෝධනය මෙම දිශාවට යාමට ගත් උත්සාහයක්  වුවද එය ප්‍රමාණවත් නොවීය).

නිලධාරිවාදී ක්‍රමවේදයන්ට අනුග්‍රහය දැක්වීම නිසා මෙන්ම ව්‍යවසායන් තුළ කම්කරුවන්ගේ පාලනය, සමාජයේ පුරවැසියන්ගේ පාලනය වර්ධනය කිරීම වෙනුවෙන් කම්කරුවන්ගේ සහභාගීත්වය වැඩි කිරීමට රජය කිසිදු උත්සාහයක් නොගනී.

ගිම්හාන සමයේදී සංචාරක ව්‍යාපාරයෙන් යම් ආදායමක් සොයා ගත් පිරිස්, බහුජන අප්‍රසාදයට පත් වී ඇති පිරිස් යම් පමණකින් සැනසීම සඳහා වැඩිවන විරෝධතා මර්දනය කිරීමට ඉදිරිපත් වීම හා ඒවා බලමුලු ගැන්වීම රජයට පක්ෂපාතී පිරිස් සම්බන්ධ වේ.

බහුතර ජනයා තෘප්තිමත් නොවන ඇතැම් අංශවලට එරෙහිව සටන් කිරීමට රට පුරා නගර දොලහකට වැඩි ගණනක ඇති වූ විරෝධතා රැල්ල, පසුගිය ජූලි 11 වන ඉරිදා ජනාධිපති මිගෙල් ඩයස් කැනල් කළ කතාව, තත්වය සමනය කිරීමට ප්‍රමාණවත් ප්‍රතිචාරයක් නොලැබුනි.

විරෝධතාකරුවන් විශාල කොටසකගේ ජීවන දුෂ්කරතා ගැන  සැළකිල්ලක් දැක්විය යුතු බව ඩියාස් කැනල් පිළිගත්ත ද, ඔහු මෙම තත්වය පාලනය  පිළිබඳව කිසිදු ස්වයං විවේචනයක් ඉදිරිපත් නොකළේ ය. ඔහු, අමෙරිකානු මැදිහත්වීමෙන් දියත්කළ ප්‍රතිවිප්ලවවාදීන්ගේ ක්‍රියා මාර්ග පමණක් අවධාරණය කිරීම සිදු කළේය.

ප්‍රතිවිප්ලවවාදීන්ගේ තර්ජනයන්ට එරෙහිව, ප්‍රතිචාර වශයෙන් නගර බලමුළු ගැන්වීමට රජය විසින් විප්ලවවාදීන්ට කරනු ලබන කැඳවීම ගැටුම් වැඩිවීමේ අවදානම සහ මර්දනය වැඩි කිරීමට හේතුවක්වී තිබේ.

වසංගතය හා ලිබරල් පියවරයන් මගින් උග්‍රවන ජීවන වියදම, විවිධ අභිප්‍රේරණයන්ගෙන්, කොලොම්බියානු ව්‍යාපාරය හෝ ඉක්වදෝරය සහ චිලී වැනි රටවල සමාජ පිපිරීම් හෝ වෙනත් ලතින් ඇමරිකානු රටවල සිදුවෙමින් පවතින දේවලින් කියුබාවේ විරෝධතා වෙන් කළ නොහැක.

වසංගතය නිසැකවම ජාත්‍යන්තරව සහ විශේෂයෙන් ලතින් ඇමරිකාවේ සියලු සමාජ ප්‍රතිවිරෝධතා උග්‍රකර ඇති අතර එය වර්ධනය වන සමාජ බිඳවැටීම් හා අසමානතාවයන් වැඩි කිරීමට හේතු වේ. බොහෝ ආකාරවලින් ආදර්ශවත් සෞඛ්‍ය සේවාවක් තිබියදීත්, ගෝලීය අර්බුදයේ සහ වසංගතයේ ආර්ථික හා සමාජීය බලපෑම්වලින් ගැලවීමට කියුබාවට හැකිවී නැත.

කෙසේ වෙතත්, අධිරාජ්‍යවාදයේ ආර්ථික හා දේශපාලන සැලසුම් වලට මුහුණ දීමේදී ලතින් ඇමරිකානු කලාපයේ නැගී එන සමාජ ප්‍රතිරෝධයන්, කියුබාවේ හුදකලාබව බිඳ දැමීමට සහ එහි දේශපාලන ස්වාධීනත්වය පවත්වා ගැනීමට පක්ෂව ක්‍රියාත්මක කෙරේ.

අවාසනාවකට මෙන්, වමේ වැදගත් අංශ කියුබාවේ තත්වය, එහි දේශපාලන ක්‍රමයේ පිරිහීම සහ තරුණ පරම්පරාවන්ගේ බලාපොරොත්තු සුන්වීම පිළිබඳ කිසිදු විවේචනාත්මක විශ්ලේෂණයක් නොකරයි. ඊට පටහැනිව, බොහෝ රටවල් අධිරාජ්‍යවාදයේ කුමන්ත්‍රණයක් වන, මහජන බලමුළු ගැන්වීමේ නීත්‍යානුකූලභාවය හඳුනා නොගත් සහ “අධිරාජ්‍යවාදයේ නියෝජිතයින්ට” පමණක් ආරෝපණය කර ඇති තත්වයක් අපට පෙනේ.

අධිරාජ්‍යවාදය වඩ වඩාත් කැළඹිලි සහිත ලෝකයේ විවිධ ජාත්‍යන්තර ගැටුම් වලදී, සමාජ විරෝධතාවල අර්ථය තමන්ට අවශ්‍ය පරිදි අර්ථ නිරූපණය කිරීමට උත්සාහ කරන බව පැහැදිලිය. සමාජ අවශ්‍යතා පිටතින් රට තුළට ගෙන ඒම සඳහා සමාජ ජාලයන්හි කෙරෙන දැඩි උද්ඝෝෂණ මගින්, සමාජ අතෘප්තිය දුරු කිරීමට උත්සාහ කෙරේ.

එය සම්පූර්ණෙයන් ම මහා බලවතුන්ගේ ඇඟිලි ගැසීම්වල ප්‍රතිඵලයක් යැයි කීම සංකීර්ණ, පරස්පර විරෝධී, යථාර්ථයෙන් බොහෝ දුරස් ප්‍රකාශයකි. මීට අමතරව, දක්වන ප්‍රතිචාරය සමාජ ගැටුම් සඳහා ජනප්‍රිය අංශවල සහභාගිත්වය ප්‍රතික්ෂේප කරයි, සෑම දෙයක්ම චෙස් ක්‍රීඩාවක් ලෙසට මිනිසුන්ට කිසි විටෙකත් ආරාධනා නොකෙරෙන අතර ඔවුන් තමන්ගේ අවශ්‍යතා හඳුනා ගැනීමට සහ ආරක්ෂා කිරීමට අසමත් ලදරුවන් ලෙස සලකනු ලබයි.

තත්වය සංකීර්ණ හා පරස්පර විරෝධී වුවත්, කියුබානු විප්ලවයට ඈත අතීතයේ සිටම කොන්දේසි විරහිතව සහාය පළකල “හතරවන ජාත්‍යන්තරයේ” අපි මූලික අදහස් කිහිපයක් ආරක්ෂා කරන්ට ඉදිරිපත් වෙමු!

පළමුව, කියුබානු ජනතාව පෙළනු ලබන නීති විරෝධී හා අමානුෂික සම්බාධක වහාම අවසන් කරන ලෙස ඉල්ලමු!.

කියුබාවේ පවතින මූලික නිෂ්පාදන හිඟය සමනය කිරීම සහ ඇමරිකා එක්සත් ජනපදය විසින් පනවා ඇති සම්බාධකවලට එරෙහි වීම සඳහා අපි සහයෝගීතා ව්‍යාපාර බලමුළු ගන්වන ලෙස ඉල්ලා සිටිමු.

රටේ ආර්ථික තත්ත්වය සමනය කිරීම සඳහා අත්‍යවශ්‍ය වන, ත්‍රස්තවාදයට අනුග්‍රහය දක්වන රටවල් ලැයිස්තුවෙන් කියුබාව ඉවත් කරන ලෙස අපි බයිඩන් පරිපාලනයෙන් ඉල්ලා සිටිමු.

කියුබානු විදෙස් අන්ත දක්ෂිණාංශය සහ වඩාත් ප්‍රතිගාමී රිපබ්ලිකන් අංශ දිරිමත් කිරීමට බයිඩන් ගේ මැදිහත්වීම හා  තර්ජන අපි ප්‍රතික්ෂේප කරමු.

සමස්ත කියුබානු ජනතාවම රජයට එරෙහිව නැගී සිටින බවටත්, රජය ඉතා කුරිරු ලෙස ප්‍රතිචාර දක්වනු ඇති බවටත් ව්‍යාජ ලෙස ප්‍රකාශ කරන ජාත්‍යන්තර ප්‍රධාන ධාරාවේ මාධ්‍ය ව්‍යාපාරය අපි හෙළා දකිමු.

වඩාත් ප්‍රචණ්ඩකාරී ජන විරෝධී මර්දනයන් ගෙන ගිය 2018-2019 ප්‍රංශයේ කහ කබා ව්‍යාපාරය, 2020 දී එක්සත් ජනපදයේ බ්ලැක් ලයිව්ස් මැටර් විරෝධතාවයන් සහ 2021 දී කොලොම්බියාවේදී භාවිතා කරන ලද මර්ධන ක්‍රම කෙරෙහි ප්‍රධාන ධාරාවේ මාධ්‍ය ඇස් පියාගෙන සිට ඇති බව අපි දකිමු.

ප්‍රතිවිප්ලවය නැවැත්වීමට හැකි එකම ක්‍රමය වන විරෝධතා දැක්වීමේ ප්‍රජාතන්ත්‍රවාදී අයිතියට, ස්වාධීන සමාජ ව්‍යාපාරවල වර්ධනයට, දේශපාලන බහුත්වවාදයට හා ප්‍රජාතන්ත්‍රවාදී විවාදයට ගරු කිරීම තුළින් ලතින් ඇමරිකාවේ සහ ලෝකයේ ජනතාවට ආදර්ශයක් වන ලෙස අප කියුබානු බලධාරීන්ගෙන් ඉල්ලා සිටිමු.

රැඳවුම්භාරයේ සිටින්නන්ගේ තත්වය හා මර්දනය කිරීම් පිළිබඳ සත්‍යය තොරතුරු හෙළිකරන ලෙස සහ බලය අනිසි ලෙස භාවිතා කිරීම සහ අපයෝජන සිද්ධීන් සම්බන්ධයෙන් වගකිව යුත්තන් නීතිය ඉදිරියට ගෙන එන ලෙස ඉල්ලා සිටිමු.

ජූලි 11 පෙලපාලිවලදී අත්අඩංගුවට ගත් පිරිස්, අන්අයගේ ජීවිතවලට තර්ජනයක් වන අයුරින් ක්‍රියාකර නොමැති නම් වහාම ඔවුන් නිදහස් කරන ලෙස අපි ඉල්ලා සිටිමු.

දිවයිනේ ඉරණම සඳහා කම්කරුවන්ගේ සහභාගිත්වයෙන් යුත් සැබෑ ප්‍රජාතන්ත්‍රවාදී-ජනතා සහභාගීත්වයෙන් යුත් ස්වෛරී ස්වාධීන කියුබාව ආරක්ෂා කරමු.

සමාජවාදී හා ප්‍රජාතන්ත්‍රවාදී කියුබාවක් සඳහා පෙරට !

කියුබාවට එරෙහි අධිරාජ්‍යවාදී ආර්ථික සම්බාධක වහා අවසන් කරනු!

“හතරවන ජාත්‍යන්තරයේ දේශපාලන බියුරෝව” විසිනි.

 

 

.

 

 

 

 

 

Leave a Reply

Your email address will not be published. Required fields are marked *