රුසියානු-බෙල්ජියන් ලේඛක වික්ටර් සර්ජ් ස්පාඤ්ඤ පුරවැසියකු ලෙස මෙක්සිකෝ නගරයේ ප්‍රංශ කනත්තක භූමදාන කරනු ලැබීය.

තුල්සිරි අන්ද්‍රාදිගේ පොත් ගුලෙනි

1936 ස්ටාලින් යටතේ දියත්වූ මහා පරිමාණ කොමියුනිස්ට් ඝාතනයෙන් බේරි ප්‍රංශයට යාමට ඉඩලබා ගත්  ලෝ සුපතළ ,එනමුදු සිරි ලංකාවේ නොපතළ, විප්ලවවාදී ලේඛකයෙකි වික්ටර් සර්ජ්. මේ ඔහු ගැන කෙරෙන අගැයීමක් හෝ හැඳින්වීමක් හෝ නොවේ. ඔහුගේ මරණය පිළිබඳව ඔහුගේ සගයකු  කරන විස්තරයකි.එය පළ කිරීමට මා පෙළඹූ හේතුව ගැන ද කිසිවක් නොකියමි.එහෙත් එම අවසානය පිළිබඳ විස්තරයේ අවසාන වාක්‍ය කීපය,  ඒ පිළිබඳ කිසියම්  හෝඩුවාවක්  ඔබ තුළ ද ජනිත කිරීමට ඉඩ ඇත. අදාළ කොටස මෙසේය:

   “ඔහුගේ සිරුර අවමංගල අධ්‍යක්ෂවරුන්ගේ ප්‍රධාන  මැදිරිය වෙත ගෙන යනු ලැබිණ.අපි ඔහුට මනා මිනී පෙට්ටියක් තෝරා ගෙන මල් ඔහු වටා ඇතිරුවෙමු. වික්ටර් සර්ජ් එය ලැබීමට සැබැවින් ම සුදුසු වූයේය. එහෙත් අප කට්ටිය එකට එක්කාසු වූ විට පවා, ඔහුගේ අවමංගල්‍යයට ගෙවිය යුතුව තිබූ මුදල අප සතු නොවී ය.

භූමදානයට පෙරාතුව පිරවිය යුතු ෆෝරමය පිරවීමේ වගකීම මවෙත පවරනු ලැබීය. “ජාතිය”(Nationality)   යන සිරස්තලයට පැමිණි කල්හි මම “ජාතියක් නැත“ (Stateless”) යනුවෙන් ලිවීමි. ඔහු එවැන්නකු වූයේ ය. අවමංගල අධ්‍යක්ෂ කෝපයට පත් විය. ඔහුට ජාතියක් නොමැත්තේ නම් ඔහුව භූමදාන කිරීමට ඔහු අවසර නොදෙනු ඇත.රටක් නැති එකෙකුව ඔබ භූමදාන කරන්නේ කෙලෙස ද?මම සර්ජ්ගේ පුත් ව්ලැදීට අඬගැසුවෙමි.” ජාතියක් තෝරා ගැනීමට ඔබේ පියාට සිදු වුනා නම් එයා තෝර ගන්නෙ මොකක් ද?”කිසිදු පැකිලීමකින් ඔහු කියා සිටියේ ” ස්පාඤ්ඤ”  යනුවෙනි.
ඒ අනුව, රුසියානු-බෙල්ජියන් ලේඛක වික්ටර් සර්ජ් ස්පාඤ්ඤ පුරවැසියකු ලෙස මෙක්සිකෝ නගරයේ ප්‍රංශ කනත්තක භූමදාන කරනු ලැබීය.( පිටු 207/08)

Leave a Reply

Your email address will not be published. Required fields are marked *