‘යමක් මගෙන් ඉල්ලා සිටි’ සිංදුව…

විමුක්තිය ගැන විස්තර කරන්න අපහසු නමුත් දැනෙනසුලු යමක් අපේ ආත්මය ඇතුලේ තියන බව දැනෙන එක මොහොතක් තමයි මේ සින්දුවේ යම් යම් තැන අහද්දී දැනෙන සීතල. තමන්ව කොහේ හරි හැප්පිලා ආයෙත් තමන් වෙතම එනවා කියන ආශ්චර්යමත් හැගීම. මේ සින්දුව විශ්වීය වෙන්නේ පැති දෙකකින් එකක් මේ රූප රාමු ඇතුලේ තියන ධනවාදය ඇතුලේ ජීවිතය සහ ඒවා එකිනෙක බැදෙමින් සිද්ධවෙන චලනය පුදුම විදිහට මනුස්ස එකක්. අනිත් එකනම් අපි අපිව (තමන් තමන්ව) විස්තර කරන්න බැරි විදිහට මේ සංගීතය සහ රූප ඇතුලේ ස්ථානගත කර ගන්න විදිහ. මේ සිංදුව තරම් ‘යමක් මගෙන් ඉල්ලා සිටි’ සිංදු තියනවානම් ඒ අතලොස්සක්.

You can’t Buy the Rain : https://www.youtube.com/watch?app=desktop&v=PChsjYXBfzo&fbclid=IwAR1wp4SP6qhtsHHt22MetsApFXV_HpWv6vO6oqQrIANE08DmruMkaF0LISM

ලතින්ඇමරිකාව
මම,
මම යනු ඔවුන් ශේෂ කළ කොටස,
මම යනු ඔවුන් සොරා ගත් දේ අවශේෂය.
උස් කදු මුදුනක සැගවුණු නගරය,
හැම ඍතුවම සමව බාර ගන්නා මගේ සම ඝන හමින් සැදුනක්.
මම දුම් දමන ෆැක්ටේරියක්,
ඔබේ කුස ගොවි ශ්‍රමයෙන් පුරවන.
ගිනි ගහන ග්‍රීස්ම ඉර්තුවේ ශිශිර මුවවිට මම,
මගේ කොම්රේඩ්, මම කොලරා කාලේ ආලය.
මම නැගෙන ඉර සහ මියෙන දිනය,
මනස්කාන්තම හිරු අවර මවමින්
මම මිනිස් මස තුළ වැඩෙන සංවර්ධනය,
කෙළ සිදුනු කටකින් නැගෙන තවත් එක් දේශපාලන කතාවක් මම.
මින් පෙර මට මුණගැසුණු සෑම ලස්සන මුහුණකම,
අතුරුදන් වූවකුගේ පින්තුරය මම.
ඔබේ නරහර වැල් තුල දුවන රුධිරය මම,
සාර මිල බිම් කඩක් මම
බෝංචි පිරී ඉතිරෙන පැසක් මම,
එංගලන්තයට ගෝල දෙකකින් පාපහර දුන් මැරඩෝනා මම.
මගේ ධජය ඉහළින්ම ලෙළවන හස්තය මම,
මේ කුඩා ලෝකයේ කශේරුව වැටී ඇත්තේ මගේ බිමේ කදු අතරින්
මම යනු පියා මට කියාදුන් පාඩම්,
මේ බිමට ආදරය නොකරනවුන් තම මවට ආදරය නොකරන බව.
මම ලතින් ඇමරිකාව,
දෙපා නොමැතිව ඇවිද යන ජාතිය.
ඔබට මේ සුළග මිලට ගත නොහැකියි
ඔබට මේ ඉර මිලට ගත නොහැකියි
ඔබට මේ වැස්ස මිලට ගත නොහැකියි
ඔබට මේ උණුසුම මිලට ගත නොහැකියි
ඔබට මේ වලාකුළු මිලට ගත නොහැකියි
ඔබට මේ වර්ණ මිලට ගත නොහැකියි
ඔබට මගේ සතුට මිලට ගත නොහැකියි
ඔබට මගේ වේදනාව මිලට ගත නොහැකියි
පොකුණු සහ ගංගා මා වටකොටගෙන සිටී
සිනාසෙන මා දත් වලින් සන්නද්ධ බව අමතක නොකරන්න.
මගේ උස කදුවැටි හිමෙන් වැසී තිබේ
මා වියළන ඉරකුත් තෙමන වැස්සකුත් මට තිබේ
පතොක් වලින් වැසුණු වියළි කතරකුත්, මත්වී වෘකයන් හා ගී ගයන්න ඉන් තැනු විතත් මට තිබේ.
මට අවැසි සියල්ල මට තිබේ.
පිරිසිදු වාතයෙන් මගේ පෙනහළු පිරී තිබේ
හුස්ම හිර කරන උස් ම උස් බිමක උවත්.
කොකා කොළ සපන මගේ ම හකුපාඩා මම
සරත් ඍතුවක ඇද වැටෙන තුරු පත් මම
තරු එළිය යට ලියූ ගේය පද මම
මිදිවත්තක බරවූ මිදි ඵල මම
කියුබානු ඉර යට වැඩුණු වේවැල් වැවිල්ලක්.
පූජනීය වෙරළ තීරයක පැදකුණු කරන කුඩා නිවෙස් රකිනා,
කැරිබියන් මුහුද මම.
මගේ කෙහෙරැළි පිසින සුළග මම
මගේ ගෙළ වට ලූ සියලු සාන්තුවරුන්ගේ සුරුවම් මම
මගේ අරගලය නිසැකව ඵල දරන්නක්,
මක්නිසාද යත් මගේ බිම පියවි ලෙස සරුවෙන බැවින්.
ඔබට මේ සුළග මිලට ගත නොහැකියි
ඔබට මේ ඉර මිලට ගත නොහැකියි
ඔබට මේ වැස්ස මිලට ගත නොහැකියි
ඔබට මේ උණුසුම මිලට ගත නොහැකියි
ඔබට මේ වලාකුළු මිලට ගත නොහැකියි
ඔබට මේ වර්ණ මිලට ගත නොහැකියි
ඔබට මගේ සතුට මිලට ගත නොහැකියි
ඔබට මගේ වේදනාව මිලට ගත නොහැකියි
ඔබට මේ සුළග මිලට ගත නොහැකියි
ඔබට මේ ඉර මිලට ගත නොහැකියි
ඔබට මේ වැස්ස මිලට ගත නොහැකියි
ඔබට මේ උණුසුම මිලට ගත නොහැකියි
ඔබට මේ වලාකුළු මිලට ගත නොහැකියි
ඔබට මේ වර්ණ මිලට ගත නොහැකියි
ඔබට මගේ සතුට මිලට ගත නොහැකියි
ඔබට මගේ වේදනාව මිලට ගත නොහැකියි
ඔබට මගේ දොම්නස මිලට ගත නොහැකියි
ඔබට මේ සුළග මිලට ගත නොහැකියි
ඔබට මේ ඉර මිලට ගත නොහැකියි
අපි පියවර නැගිය යුතු මග, අපි තනමු
ඔබට මගේ ජීවිතය මිලට ගත නොහැකියි
මගේ බිම විකිණීමට නැත.
මම අභිමානයෙන් දහඩිය හෙලන්නේක්මි
මෙහි අපි සියල්ල බෙදා ගමු, මගේ සියල්ල ඔබේ
මාරක රැළි අතර සැගව මිය නොයන ජාතියක්
වැටී වැටී නැගිටිමු
කොම්රේඩ්, මම ඔබ දෙස නොසෙල්වී බලා සිටිමි,
මක්නිසාද, එහෙයින් ඔබට මගේ අවසන් ඇමතුම මතක තිබේවි
ඇමරිකානු රාජාලි මෙහෙයුම මගේ කැදැල්ල කඩමින් සිටී,
මම කමාකරමි නමුත් අමතක නොකරමි.
අපි එක්ව ඇවිද යමු
එයින් අපි අරගලය ප්‍රත්‍යක්ෂ කරගමු
එන්න, අපි එක්ව ඇවිද යමු
මේ ගීය මා ගයන්නේ ඔබට ඇසෙන්න.
අපි ඉන් එක්ව නැගී සිටිමු
ලතින් ඇමරිකාව, දිගුකල් දිනේවා !
ඔබට මගේ ජීවිතය මිලට ගත නොහැකියි!

කල්ප රාජපක්‍ෂ

Calle 13 (13 වන වීදිය) කියන පෝටරිකන් සංගීත කණ්ඩායමේ ලතින්ඇමරිකාව කියන මහත් ජනාදරයට පත්වූ ගීතයේ සිංහල පරිවර්තනය.

Republished From: https://www.facebook.com/kalpa.rajapaksha.90

Leave a Reply

Your email address will not be published. Required fields are marked *